Մայիսի 17-ը` Հոմոֆոբիայի դեմ պայքարի միջազգային օր:

Հոմոֆոբիա տերմինն առաջացել է հունարեն homо- միանման և  phоbos- վախ բառերից: Այս տերմինը շրջանառության մեջ է դրվել 1972 թ.: Մինչ այդ երևույթը, որն այսօր կոչվում է հոմոֆոբիա, հասարակական նորմա էր: Հոմոֆոբիա տերմինն առաջին անգամ օգտագործել է հոգեբան Ջորջ Վայնբերգը` համասեռամոլներից ոչ ռացիոնալ վախը, սեռական փոքրամասնությունների նկատմամբ հակակրանքը նշելու համար:

XX դարը, անկասկած ամենահոմոֆոբային պատմական ժամանակաշրջանն էր: Այս ժամանակաշրջանում համասեռամոլներին աքսորում էին համակենտրոնցման ճամբարներ, խորհրդային ԳՈՒԼԱԳ և այլն: Բնականաբար այս ամենն այժմ շատ հեռու է թվում: Բայց շատ երկրներում համասեռմոլների վիճակը մինչ այժմ էլ անփոփոխ է:

Համասեռամոլների նկատմամբ խտրական վերաբերմունքը նկատվում է ամենուր: 80 երկրներում համասեռամոլությունն արգելված է օրենքով, շատ երկրներում այն պատժվում է մինչև 10 տարի ազատազրկմամբ: Երբեմն օրենքը ենթադրում է ցմահ բանտարկություն: Մոտ 10 երկրներում համասեռամոլների նկատմամբ կիրառվում է մահապատիժ:

Մայիսի17-ը հոմոֆեբիայի դեմ պայքարի միջազգային օր (International Day Against Homophobia) հայտարարելու գաղափարը  ֆրանսիացի գրող  և գիտնական Լուի-Ժորժ Տենինն էր: Այդ օրը պատահական չէր ընտրվել: 1990 թ. մայիսի 17-ը Առողջապահության միջազգային կազմակերպության Գլխավոր ասամբլեան համասեռամոլությունը հանեց հոգեկան հիվանդությունների շարքից: Տենը հույս հայտնեց, որ այդ օրը կօգնի բարելավել այն մարդկանց կյանքը, ովքեր դրա կարիքը մեծապես զգում են: Հոմոֆոբիայի դեմ միջազգային օրը պաշտոնապես նշվում է 2003 թվականից: Այդ օրվա ճանաչումը որոշակի պարտավորություններ է դնում խտրականության այլ ձևերի և սոցիալական բռնության դեմ պայքարում միավորված միջազգային հասարակության առաջ: Սակայն դեռևս շատ երկրներ լայն աջակցություն չեն ցուցաբերում սեռական փոքրամասնությունների իրավունքների համար մղվող պայքարում:

Հարցեր, պատասխաններ, մեկնաբանություններ